“Kapital Bank” bu il də “Sibos 2025”də öz stendi ilə çıxış edir: beynəlxalq görüşlərə start verilib 

Azərbaycanın aparıcı maliyyə qurumu olan Kapital Bank 29 sentyabr tarixində Frankfurt şəhərində start götürən dünyanın ən nüfuzlu maliyyə tədbiri olan “Sibos 2025”dəki iştirakına başlayıb. Tədbirin ilk günündən etibarən bankın nümayəndə heyəti qlobal maliyyənin gələcəyini formalaşdıran müzakirələrdə aktiv iştirak edir.

Oxu24.com  xəbər verir ki, dörd gün davam edəcək tədbir çərçivəsində Kapital Bank-ın beynəlxalq tərəfdaşlıqları gücləndirmək və yeni əməkdaşlıq imkanlarını araşdırmaq məqsədilə dünyanın aparıcı bankları ilə bir sıra yüksək səviyyəli görüşlər keçirməsi nəzərdə tutulub. Görüş planlaşdırılan banklar arasında “ODDO BHF”, “First Abu Dhabi Bank”, “Banco BPM”, “Mashreq Bank”, “QNB”, “Standard Chartered”, “Raiffeisen Bank International”, “BNY Mellon” və “Bayerische Landesbank” kimi maliyyə nəhəngləri yer alır.

Bu görüşlərin əsas məqsədi mövcud əməkdaşlıqların dərinləşdirilməsi, xəzinədarlıq, ticarətin maliyyələşdirilməsi və beynəlxalq hesablaşmalar sahəsindəki ən son trendlərin müzakirəsi, eləcə də Azərbaycanın maliyyə bazarı üçün yeni imkanların yaradılmasıdır.

Kapital Bank-ın Xəzinədarlıq Departamentinin direktoru Fərid Əliyev tədbirlə bağlı öz fikirlərini bölüşüb: “Sibos bizim üçün sadəcə bir tədbir deyil, qlobal maliyyə ekosisteminin bir parçası olduğumuzu təsdiqləyən strateji bir platformadır. Bu il də tədbirdə çox zəngin gündəliklə iştirak edirik. Planlaşdırdığımız görüşlər beynəlxalq tərəfdaşlıqlarımızı gücləndirməklə yanaşı, həm də ən qabaqcıl təcrübələri və innovasiyaları ölkəmizə gətirməmizə imkan verəcək. İnanırıq ki, bu dialoqlar həm Kapital Bank-ın, həm də bütövlükdə Azərbaycanın maliyyə sektorunun qlobal arenadakı mövqeyini daha da möhkəmləndirəcək”.

Ölkənin birinci bankı Kapital Bank PAŞA Holding-ə daxildir və Azərbaycanda ən böyük filial şəbəkəsi, 119 filialı və 52 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün https://kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz. Nağd pul krediti sifarişi üçün – https://kbl.az/prgtk, Birbank kartı sifarişi üçün – https://kbl.az/prcrc.

Həmçinin oxuyun

Hamamda cansız bədəni tapılan Məzahir görün kimin qardaşı İMİŞ

Oğul öldü,ata tutuldu:daha bir yaralı da var  —  GƏNCƏDƏ HADİSƏ

Hicablı müəllim dərs zamanı şagirdlərə nə dinlətdirib?  —  VİDEO

Komitə sədri məsələyə qarışdı:Nazirlər Kabinetinin 325 nömrəli qərarı...