Turistlərin hüquqları necə pozula bilər? - Vəkildən AÇIQLAMA

HÜQUQ

652

12.11.2025, 12:14

Turistlərin hüquqları bir sıra hallarda pozula bilər, xüsusilə də turizm şirkətləri, otellər və ya digər xidmət göstərən qurumlar qanunvericiliyin və müqavilənin tələblərinə əməl etmədikdə.

Oxu24.com-a mövzu ilə bağlı danışan vəkil Esmira Rzayeva bildirib ki,turistə səfər, otel, xidmət səviyyəsi və ya qiymətlər barədə yalnış vədlər verilməsi, reklamda göstərilənlərlə reallığın fərqli olması hüquq pozuntusudur.

Vəkilin sözlərinə görə,turist müəyyən xidmətlərə görə ödəniş edib, lakin həmin xidmətlər ümumiyyətlə təqdim edilmir və ya keyfiyyətsiz göstərilməsi hüquq pozuntusudur.

Turizm şirkəti turistin razılığı olmadan səfərin tarixini dəyişirsə, proqramı qısaldırsa, qiyməti artırırsa bu müqavilə pozuntusu sayılır.

Turistin fiziki və psixoloji təhlükəsizliyi pozulduqda, oteldə təhlükəsizlik qaydaları gözlənilmir, bələdçi məsuliyyətsiz davranır, nəqliyyat və sığorta təminatı yoxdur, bu hallar turistin əsas hüquqlarını pozur.

Sığortası olan turist zərər çəkdiyi halda lazımi tibbi yardım ala bilmirsə, yaxud şirkət məsuliyyətdən yayınırsa, bu da hüquq pozuntusudur.

Həmçinin oxuyun

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Eyyubovlardan sonra növbə kimindir?

Yuxu dərmanı atıb yatanlara VACİB XƏBƏR

Turist şikayət etdikdə xidmət təminatçıları və ya turizm şirkəti onun müraciətinə baxmırsa və ya cavab vermirsə, bu da istehlakçı hüquqlarının pozulması sayılır.

Turistlərin hüquqlarının pozulması hallarında onlar:

Turizm şirkətinə rəsmi şikayət verə bilər. Dövlət Turizm Agentliyinə və ya İqtisadiyyat Nazirliyinin Antiinhisar və İstehlak Bazarına Nəzarət Xidmətinə müraciət edə bilər. Zərər varsa vəkil vasitəsilə məhkəməyə müraciət etməklə kompensasiya tələb edə bilər.