Aprelin 28-dən mayın 8-dək Gürcüstanın Krtsanisi şəhərindəki Birgə Təlim və Qiymətləndirmə Mərkəzində (JTEC) NATO qüvvələrinin iştirakı ilə genişmiqyaslı komanda qərargah təlimi keçiriləcək.

Oxu24.com xəbər verir  ki, bu barədə RİA Novosti məlumat yayıb.

İtaliyanın Tbilisidəki səfirliyindən verilən məlumata görə, manevrlər JTEC-in potensialını nümayiş etdirmək və əsasən gürcü hərbçilərindən ibarət çoxmillətli briqadanın döyüş hazırlığını qiymətləndirmək məqsədi daşıyır.

Təlimlərdə Azərbaycan, Albaniya, Bolqarıstan, Fransa, Polşa, Slovakiya, Almaniya, Yunanıstan, Macarıstan, Türkiyə və ABŞ-dan nümayəndələr iştirak edəcək. Ermənistan müşahidəçi qismində iştirak edəcək.

Noyabrda Gürcüstanın xarici işlər naziri Maka Boçorişvili qeyd edib ki, Gürcüstanın Şimali Atlantika Müqaviləsi Təşkilatına və Avropa İttifaqına üzvlüyü ölkə üçün əsas prioritet olaraq qalır. Onun sözlərinə görə, Gürcüstan Konstitusiyasının 78-ci maddəsinə uyğun olaraq, ölkə Avroatlantik strukturlara inteqrasiyanın “qaçılmaz yolunu” davam etdirir. Bu baxımdan, Boçorişvili vurğulayıb ki, NATO və Aİ ilə münasibətlər mühüm prioritet olaraq qalacaq.

Bundan əvvəl Medvedev Gürcüstanın NATO-ya münasibətinin dəyişdiyini açıqlamışdı.

Miri