DONDURULMUŞ QİDALAR HAQQINDA BUNLARI BİLMƏLİSİNİZ!

DONDURULMUŞ QİDALAR HAQQINDA BUNLARI BİLMƏLİSİNİZ

Gərgin iş rejimi səbəbiylə, bir çoxlarının yemək hazırlamağa vaxtı qalmır və bu halda köməyə dondurulmuş qida gəlir. Çünki dondurulmuş qidanın hazırlanması çox tezdir. Amma necə edək ki, bu qida sağlamlığımıza zərər verməsin
Cleveland dietoloqlarının dondurulmuş qida ilə bağlı hazırladığı 8 əsas məsləhətə riayət edərək, sağlamlığınızı qoruya bilərsiniz
QİDANIN TƏRKİBİ ÖNƏMLİDİR. İlkin olaraq aldığınız dondurulmuş qidanın “içindəkiləri” hissəsini diqqətlə oxuyun. Əgər içindəkiləri ən az 7 növ məhsuldan ibarətdirsə, demək həqiqi məhsul yemək şansınız artır və bu qidanın tərkibində kanserogen, konservant və əlavə qida olma ehtimalı azalır.

QİDANIZI LAZIMİ MƏHSULLARLA TAMAMLAYIN. Sağlam yemək adlandırdığımız , ət və müxtəlif tərəvəzlərlə zəngin olmalıdır. Əgər əldə etdiyiniz dondurulmuş qidada bunlardan hər hansı yoxdursa, o zaman yemək zamanı mütləq əlavə edib qidalanın.
TAM TAXILLI QİDALARI SEÇİN. Yeməkləriniz 100% tam taxıllı məhsullara üstünlük verin. Tam taxıllı məhsullar olmadıqda, siz bunları paxlalılar sinfindən olan məhsullarla ( noxud, lobya, mərci və s.) əvəz edə bilərsiniz.
Dondurulmuş qida seçərkən həm tərkibinə , həm də kaloriyasına diqqət etmək lazımdır. Xüsusilə arıqlamaq istəyənlər buna diqqət etməlidir, çünki dondurulmuş qida çox hallarda yüksək kalorili olur.
LİFLƏ ZƏNGİN QİDA. Lif çox faydalı qida maddəsidir. Lifli məhsulların qəbulu həzm sistemini asanlaşdırır və uzun müddətlik toxluq hissi verir. Qeyd edək ki, dondurulmuş və emala məruz qalmış yeməklərin çoxunda liflər olmur. Gün ərzində almalı olduğumuz lif miqdarı 25-35 qramdır. Bu səbəbdən dondurulmuş qida qəbul edirsinizsə, yanında tərəvəzlərdən kök, kələm istifadəsini unutmayın!!!
NİŞASTAYA DİQQƏT!!! Çalışın tərkibində yalnız nişasta olan yeməklərdən istifadə etməyəsiniz. Bunlara misal olaraq ağ undan hazırlanmış makaron çeşidləri. Əgər bu tip yeməkləri həddindən çox istəyirsinizsə, o zaman boşqabın 1/3 hissəsi qədər olmalıdır. Digər 2 hissə tərəvəz salatı və zülalla zəngin məhsul olmalıdır (məsələn qaynadılmış yumurta)
DUZ VƏ DOYMUŞ YAĞLARIN YEMƏKLƏRƏ ƏLAVƏSİNƏ DİQQƏT!!! Dondurulmuş yeməklər həddindən artıq çox miqdarda doymuş yağ və natrium ilə zəngin olur. Misal olaraq 1 paket dondurulmuş yeməkdə 700 qram natrium və 4-5 qram doymuş yağ olur. İstifadə edə biləcəyimiz maksimum doymuş yağ miqdarı 600 qram və natrium miqdarı 3 qramdır.
TRANSYAĞLARA VƏ ŞƏKƏRƏ YOX DEYƏK !!! Dondurulmuş qidaların tərkibinə əlavə edilən çox miqdarda trans yağların və şəkərin sağlamlığımız üçün böyük təhlükə olduğunu unutmayın. Qeyd edək ki, bir çox “Sağlam Qida “ adı altında satılan dondurulmuş yeməklərdə trans yağlar və həddindən çox miqdarda şəkər mövcuddur. Bu səbəbdən etiketin üstündəki böyük hərflərlə yazılan “Sağlam” sözünə aldanmayın, xırda hərflərlə yazılan tərkibini diqqətlə oxuyun. Çünki bəzən bu trans yağları və şəkəri kodlaşdırılmış adlarla yazırlar, amma siz tərkibini foto ilə çəkib internetdə araşdıra bilərsiniz.