Bakının bu rayonunda 8 bina söküləcək - 4 min AZN kompensasiya...

CƏMİYYƏT

297

26.10.2026, 17:01

Xəbərlərimizi Google-da izləyin

Yeniliklərdən dərhal xəbərdar olun

"Bakının Nizami rayonunda qəzalı vəziyyətdə olan və istismar müddətini başa vurmuş binaların sökülməsi, ərazilərin yenidən qurulması və abadlaşdırılması nəzərdə tutulur. Bakı şəhərinin 2040-cı ilədək Baş Planına uyğun olaraq, paytaxtın digər rayonlarında olduğu kimi, Nizami rayonunda da köhnə mənzil fondunun yenilənməsi istiqamətində işlər aparılacaq".

Oxu24.com Baku.ws-ə istinadla xəbər verir ki, bunu Azərbaycan Qiymətləndiricilər Cəmiyyətinin (AQC) sədri Vüqar Oruc açıqlayıb.

Onun sözlərinə görə, rayonda ümumilikdə 8 binanın sökülməsi planlaşdırılır:

"Onların əksəriyyətini yataqxanalar təşkil edir. Binaların bir hissəsinin dövlət vəsaiti hesabına sökülməsi və sakinlərin köçürülməsi, boşalan ərazilərdə isə abadlıq işlərinin aparılaraq parkların salınması nəzərdə tutulur. Digər binaların söküntüsü və ərazidə yeni yaşayış binalarının inşası investorların vəsaiti hesabına həyata keçiriləcək.

Yenidənqurma işləri Elşən Süleymanov, Kamil Balakişiyev, Məmmədəli Şərifli, Rizvan Teymurov küçələrini, həmçinin Babək və Cəmşid Naxçıvanski prospektlərini əhatə edəcək..

Təqdim olunan məlumatda kompensasiya məbləğlərinin yaşayış sahələri üçün 2 000-2 800 manat, qeyri-yaşayış sahələri üçün isə təxminən 2 500-4 000 manat aralığında nəzərdə tutulduğu qeyd olunur".

AQC sdəri əlavə edib ki, söküntü və tikinti işlərinin mərhələli şəkildə aparılması planlaşdırılır:

"Layihələrin əsas məqsədləri köhnəlmiş binaların yenilənməsi, yaşıllıq sahələrinin artırılması və şəhər mühitinin yaxşılaşdırılmasıdır. Kompensasiya məbləğləri və konkret binalar üzrə köçürülmə şərtləri ilə bağlı yekun qərarlar müvafiq qurumların rəsmi açıqlamaları əsasında dəqiqləşdirilməlidir".

Həmçinin oxuyun