Al Jazeera English telekanalı Azərbaycanın işğal edilmiş Kəlbəcər rayonunun boşaldılaraq Azərbaycana təhvil verilməsinə, habelə 30 il əvvəl öz doğma yurdlarını tərk etmək məcburiyyətində qalan azərbaycanlıların sevinc hisslərinə həsr edilmiş videomaterial hazırlayıb. 

Oxu24.com xəbər verir ki, yurdlarını tərk etmək məcburiyyətində qalan azərbaycanlıların sevinc hisslərilə yanaşı, reportajda onların məyusluğu da göstərilir. 

Reportajın gedişatında telekanalının müxbiri Kəlbəcərin işğalı haqqında tarixi faktları sadalayır, həmçinin təhvil vermə prosesində ermənilərin barbarlığından məyus olan Azərbaycan qaçqınlarının fikirlərinə yer ayırır. 

Reportajda bildirilir ki, Azərbaycan tərəfi Ermənistanın Kəlbəcəri təhvil verməsi üçün təyin edilmiş müddəti 10 gün uzadıb. Müdafiə Nazirliyinin beynəlxalq hərbi əməkdaşlıq idarəsinin rəisi general-mayor Hüseyn Mahmudovun Ermənistanın üç rayonu Azərbaycana təhvil verməsi ilə bağlı fikirləri də reportajda yer alıb.

Reportajda, həmçinin qeyd edilir ki, Kəlbəcər sakinləri təxminən otuz il gözlədikdən sonra öz rayonlarına geri qayıtmaq niyyətindədirlər. Ancaq rayonda hələ minalardan təmizləmə əməliyyatları və infrastrukturun yenidən bərpası kimi bir çox işlər görüləcək.

Ətraflı videoda: