Fransanın Auxerre klubunun keçmiş futbolçusu Fabris Lepo avtomobil qəzasında dünyasını dəyişib.

Milli.Az goal.az-a istinadən xəbər verir ki, faciəvi hadisə mayın 22-nə keçən gecə baş verib. O, 43 yaşında həyatını itirib.

Qeyd edək ki, Fabris Lepo yetirməsi olduğu Auxerre-lə 1995/1996 mövsümündə Fransa çempionu olub. Lepo 1997-ci ildə də avtomobil qəzasına düşüb. Nəticədə o, həmin hadisədən bir neçə il sonra karyerasını bitirməli olub.