Koronavirusun qeydə alınmadığı 12 ölkə məlum oldu

Koronavirus dünyada 1,7 milyondan çox insanın yoluxmasına, azı 104 min insanın həyatına son qoyub.

 

Modern.az xəbər verir ki, dünyanın 190-dan artıq ölkəsi virusa yoluxsa da, bəzi ölkələr virusun təsirindən qoruna biliblər.

 

Virusdan özünü qoruya bilmiş ölkələr sırasında postsovet resublikalarından Türkmənistan və Tacikistan da yer alıb. Bu ölkələrin rəsmiləri ölkədə yoluxma hallarının qeydə alınmasına dair heç bir açıqlama verməyiblər.

 

Analoji addımı Şimali Koreya da atıb. Dünyanın ən qapalı ölkəsində COVİD-19-a yoluxma hallarına dair Cənubi Koreya kəşfiyyatı müxtəlif məlumatlar yaysa da, reaallıqda bu ölkədə nələrin baş verdiyi sirr pərdəsinə bürünüb.

 

Koronavirus hallarını rəsmən təsdiqləməyən ölkələr sırasında Vanuatu, Tuvalu, Samoa, Tonqa, Nauru, Solomon Adaları, Marşal Adaları, Mikroneziya Federativ Ştatları və Palau kimi Okeaniyada yerləşən cırtdan dövlətlər var.

Bundan başqa, COVİD-19-un sevmədiyi isti havanın hökm sürdüyü Afrikada da yoluxma halları cüzidir. Lesoto Krallığı və Seyşel Adalarında isə koronavirus ümumiyyətlə, tapılmayıb.