Ramil Səfərovu Azərbaycana qaytaran baş nazir uduzdu – bundan sonra nə olacaq? 

 Viktor Orbanın siyasi taleyi ilə bağlı yaranan yeni vəziyyət Azərbaycan ictimaiyyətində də geniş rezonans doğurub.

Musavat.com xəbər verir ki, Ramil Səfərovun 2012-ci ildə Azərbaycana ekstradisiyasına dəstək verməsi ilə yadda qalan Macarıstan liderinin hakimiyyətdən getməsi fonunda müxtəlif versiyalar, təhlillər və yanaşmalar ortaya çıxır. Bu mövzuda Azərbaycanın tanınmış politoloqu Əziz Əlibəylinin qeydləri xüsusi diqqət çəkir. Analitik daha çox Viktor Orbanın Azərbaycan və ümumilikdə Türk dünyasına yaxın siyasətini vurğulayır və bu xəttin gələcəkdə davam edib-etməyəcəyinin sual altında olduğunu qeyd edir.

Aşağıda Əziz Əlibəylinin həmin qeydlərini olduğu kimi təqdim edirik:

Ramil Səfərovu qaytarmaqla Azərbaycan xalqına böyük qalibiyyət yaşadan Viktor Orban

Ramil Səfərovun məhkəmə prosesi Azərbaycanda ilin hadisəsinə çevrilir və sonrakı 8 il ərzində daim gündəmdə qalır.

Ramil Səfərovun məhkəmədə türk dilində etdiyi çıxışa uzun illərdən sonra təkrar baxdıqdan sonra onu daha yaxşı anlamaq mümkündür: “Mənim ölkəmin torpaqları bu gün də ermənilərin işğalı altındadır. Mənim ailəm qaçqın düşdü, əqrabalarım öldürüldü, təhqir edildim, bayrağımızla “dalğa” keçildi. Özünüzü bir an da olsa, mənim yerimə qoymağınızı rica edirəm”.

Şübhəsiz ki, vətən müharibəsini yaşamış toplumun həmin günlərə dönüb Səfərov keysinə qalib baxışı ilə yanaşması olduqca realdır. Lakin bu, o hadisə idi ki, Mübariz İbrahimov şəhadəti ilə Ramil Səfərovun simasında məğlubiyyətə qarşı üsyan bayrağı dalğalanmış, bütöv bir gənc nəsli vətən sevgisi ilə süsləmiş, aprel döyüşləri və Vətən müharibəsinin hekayələri üçün patriot zəmin hazırlamışdı.

Həmçinin oxuyun

Burun əməliyyatı hansı hallarda pulsuz OLACAQ?   —  EKSPERTLƏ MÜZAKİRƏ

Baş nazir maaşlarla bağlı QƏRAR İMZALADI

Prezident Nazirlər Kabinetinin bu səlahiyyətini LƏĞV ETDİ

Prezident İMZALADI: Qanunlarda dəyişikliklər təsdiqlənib

Avqust 2012 - Macarıstan Ədliyyə Nazirliyi ekstradisiya qərarını verdi

Macarıstan hökuməti bu ekstradisiyanı 1983-cü il Strazburq Konvensiyasına — “Məhkumların Mübadiləsi haqqında” Avropa Şurası sənədinə əsaslandırdı.

Və əlbəttə ki, o dövrdə Macarıstanın baş naziri, Azərbaycanın əsl dostu Viktor Orban idi.

Viktor Orban: AB və NATO üzvü bir ölkənin baş naziri olaraq eyni zamanda Türk dünyasının ən önəmli müdafiəçisi olan Avropa liderinin titulunu daşıyırdı.

Viktor Orban – hakimiyyətdə olduğu dövrü bizim üçün dostanə akkordlarla yadda qalan Avropanın peşəkar siyasi liderlərindən biri idi.

Səfərovun azad edilməsi insan azadlığı idi

İnsan azadlığı torpağın azadlığı idi

Torpaqların azadlığı vətən müharibəsinin nəticəsində baş verdi.

Səfərov keysi Orbanın dostluğuna vəsilə oldu.

Orban Macarıstanı, Macarıstan Atillanı və Türk Dünyasını doğurdu.

Və bütün bunlar Prezident Əliyev imzasının təntənəsi idi.

ANS kanalının efirlərində Ramil Səfərovun müttəhim kimi son çıxışını verirlər.

2006-cı ildən 20 il ötüb, bir maraqlı vətəndaş kimi çox istərdim ki, polkovnik Səfərov həmin çıxışın simulyasiyasını təkrar canlandıra, tarixi hadisələri təkrar saya və Zəfərimizin bizə qazandırdıqlarını həyatında yaşayan biri kimi, necə dəyişdiyini əyani şəkildə anlada – Amma bu dəfə bir qalib əsgər kimi…

Səfərovun hakimdən ədalət dilədiyi çıxışın o hissəsi necə də düz çıxdı - Hakim Allah ədalət isə onun lütfü imiş.

Beləliklə, Viktor Orbanın siyasi səhnədən getməsi fonunda əsas sual açıq qalır: Macarıstanın yeni rəhbərliyi bu kursu davam etdirəcəkmi? Bizə görə bu məsələ təkcə Budapeştin deyil, həm də Türk dünyası ilə münasibətlərin gələcək trayektoriyası baxımından mühüm əhəmiyyət daşıyır.