Əl Hadath: Fələstin qrupları Trampın Qəzza planını müzakirə edir

DÜNYA

503

02.10.2025, 12:11

ABŞ prezidenti Donald Trampın təqdim etdiyi Qəzza sülh planını müzakirə edən fələstinli qruplar bəzi müddəaların icrasından narahat olduqlarını bildirirlər.

Oxu24.com Al Hadath televiziyasına istinadən xəbər verir ki, radikal HƏMAS hərəkatı Fələstinli qruplaşmalar və vasitəçilər ilə Amerika planının müzakirələrini davam etdirir.

Bildirilir ki, müzakirələrdə iştirak edən fələstinli qruplar “Tramp planının müəyyən bəndlərinin həyata keçirilməsi ilə bağlı narahatlıqlarını bildirirlər”.

Konkret olaraq, fraksiyaların nümayəndələri “İsrail qüvvələrinin Qəzza zolağından çıxarılması üçün vaxt cədvəli”ndə israrlıdırlar.

Əl Hadath əlavə edir ki, fələstinlilər anklavda “Livan təcrübəsinin təkrarlanmasından” qorxur və “Qəzzada hərbi əməliyyatların dayandırılmasına dair aydın təminat” istəyirlər.

Bundan başqa, eyni mənbələrdən verilən açıqlamalara görə, Fələstin fraksiyalarının nümayəndələri iddia edirlər ki, onların nəzərdən keçirilməsi üçün təklif olunan Tramp planı “ərəb liderlərinə təqdim olunan təkliflərdən fərqlənir”.

Həmçinin oxuyun

Prezidentdən deputatın oğlu ilə bağlı SƏRƏNCAM

Eyyubovlardan sonra növbə kimindir?

Yuxu dərmanı atıb yatanlara VACİB XƏBƏR

Putin buna görə Əliyevdən üzr istəyib — RUSİYANIN AÇIQLAMASI

Sentyabrın 29-da Ağ Ev ABŞ prezidentinin Qəzza zolağında nizamlanmaya dair “hərtərəfli planını” açıqlayıb.

Bu sənəd 20 müddəadan ibarətdir.

O, digər məsələlərlə yanaşı, Fələstin anklavında müvəqqəti xarici idarəetmənin tətbiqini və orada beynəlxalq sabitlik qüvvələrinin yerləşdirilməsini tələb edir.

İsrail planla razılaşdığını açıqladı. Sentyabrın 30-da Tramp ABŞ-ın HƏMAS-a təklifləri nəzərdən keçirmək üçün 3-4 gün vaxt verməyə hazır olduğunu açıqladı.

Nigar