BMT Ukraynadan bezib
16 Noyabr 2026, 18:05
Qaynar xətt:
(+99450) 247 90 86
DÜNYA
767
30.09.2025, 09:30
Yeni koronavirus variantı “Stratus” sürətlə yayılır və əvvəlki ştammlardan xarakterik bir əlamətlə fərqlənir.
Oxu24.com bu barədə xarici mediaya istinadla xəbər verir.
"Stratus" iki alt tipdən ibarətdir. XFG və XFG.3. Bu variant ilk dəfə bu ilin yanvarında aşkar edilib, iyunda isə Ümumdünya Səhiyyə Təşkilatı (ÜST) XFG-ni sürətlə artan yoluxma halları səbəbilə müşahidə tələb edən variantlar siyahısına əlavə edib.
Böyük Britaniya Səhiyyə Agentliyinin məlumatına görə, sentyabrın 3-nə yeni CPVID-19 hallarının sayı əvvəlki həftə ilə müqayisədə 7,1 faiz artıb, lakin konkret olaraq XFG ilə yoluxanların dəqiq payı hələ müəyyən edilməyib. İrlandiyada sentyabrın ilk həftəsində 425 yeni yoluxma qeydə alınıb və onların çoxu "Stratus" ilə əlaqələndirilir.
Əlamətlər və xüsusiyyətlər
Adətən koronavirus qrip və digər tənəffüs infeksiyalarına bənzər simptomlar yaradır: qızdırma, öskürək, burun axması, asqırma. Lakin "Stratus"un özünəməxsusluğu ondadır ki, ilkin əlamət çox vaxt səsin tutulması və ya xırıltılı səs olur. Bu, digər klassik simptomlardan əvvəl ortaya çıxır və çox vaxt diqqətdən kənarda qalır.
Digər əlamətlərə burun tutulması, boğaz ağrısı, həzm problemləri və güclü yorğunluq daxildir.
Həkimlərin fikirləri
Doktor Qaret Nay izah edib: “Ümumilikdə bu variant əvvəlkilərə bənzəyir, amma Stratus ilə yoluxanlar çox vaxt güclü boğaz ağrısından və səs tutulmasından şikayətlənirlər. Payızda uşaqlar məktəbə qayıdanda yoluxma səviyyəsi yaxın təmas və gigiyena çatışmazlığı səbəbindən artır”.
Onun sözlərinə görə, "Stratus" çox vaxt xəstəliyin daha ağır keçməsinə səbəb olur, çünki əvvəl yoluxmuş insanlarda belə immun qorumanı qismən aşa bilir. Buna görə əvvəlki vaksinlər daha az effektiv olur, yenilənmiş peyvəndlərin əhəmiyyəti isə artır.
“Bunu telefon proqram təminatının yenilənməsinə bənzətmək olar: yeni versiyalar daha yaxşı qoruma təmin edir”, - o vurğulayıb.
Kaliforniya Universitetinin (San-Fransisko) infeksionisti Piter Çin-Honq əlavə edib ki, "Stratus" əvvəlki ştammlardan daha geniş əlamət spektri ilə xarakterizə olunur: “Xüsusilə ötən il peyvənd olunmamış yaşlı insanlarda intensiv boğaz ağrısı halları artır. Variant daha yoluxucudur, ona görə də yoluxanların sayı yəqin ki, artacaq. Məktəblilərin dərsə qayıtmasını nəzərə alsaq, hətta adi soyuqdəymə də çox vaxt COVID-19 əlaməti çıxır”.
19:18 / 16 Noyabr 2026
1
19:09 / 16 Noyabr 2026
39
19:05 / 16 Noyabr 2026
42
18:58 / 16 Noyabr 2026
48
18:52 / 16 Noyabr 2026
66
18:45 / 16 Noyabr 2026
58
18:41 / 16 Noyabr 2026
64
18:35 / 16 Noyabr 2026
110
18:23 / 16 Noyabr 2026
78
18:17 / 16 Noyabr 2026
100
18:16 / 16 Noyabr 2026
63
18:05 / 16 Noyabr 2026
84
18:04 / 16 Noyabr 2026
86
17:55 / 16 Noyabr 2026
87
17:50 / 16 Noyabr 2026
362
17:47 / 16 Noyabr 2026
86
17:30 / 16 Noyabr 2026
98
17:26 / 16 Noyabr 2026
109
17:25 / 16 Noyabr 2026
94
17:25 / 16 Noyabr 2026
118
17:19 / 16 Noyabr 2026
106
17:12 / 16 Noyabr 2026
101
17:10 / 16 Noyabr 2026
103
© 2026 Oxu24.com Müəllif hüquqları qorunur.