Qaynar xətt:

(+99450) 247 90 86

Almanlar Ukraynaya Patriot alacaqlar

DÜNYA

1024

14.07.2025, 14:15

ABŞ prezidenti Donald Tramp Ukraynaya əlavə “Patriot” hava hücumundan müdafiə raket sistemləri və raketlərin çatdırıldığını açıqlayıb.

Oxu24.com  Bloomberg -ə istinadən xəbər verir ki, bu açıqlama fonunda NATO-nun baş katibi Mark Rutte və Almaniyanın müdafiə naziri Boris Pistorius Vaşinqtona gedirlər.

Ruttenin Patriot çatdırılması məsələsini müzakirə etmək üçün bazar ertəsi, iyulun 14-də Trampla görüşəcəyi gözlənilir. Pistorius da eyni məqsədlə ABŞ paytaxtına səfər edəcək.

“Berlin Tramp administrasiyası ilə Ukraynaya əlavə iki “Patriot” sisteminin təhvil verilməsi, habelə çatdırılma ilə bağlı bütün xərclərin ödənilməsi üçün danışıqlar aparır”, – nəşr qeyd edir.

Bazar günü Tramp Ukraynaya “Patriot” sistemlərinə raketlər göndərəcəyini bildirib və onların ölkəni qorumaq üçün zəruri olduğunu vurğulayıb.

ABŞ prezidenti jurnalistin mümkün əlavə tədarüklərlə bağlı sualını cavablandırarkən deyib: "Hələ rəqəmlə razılaşmamışam, lakin onların bəzi raketləri olacaq, çünki onların müdafiəyə ehtiyacı var. Bunun üçün Avropa İttifaqı ödəyir".

Amerika mediasının məlumatına görə, bazar ertəsi Tramp Ukraynaya yeni hərbi yardım planını təqdim edəcək və bu plana hücum silahlarının tədarükü də daxildir.

Miri