Qaynar xətt:

(+99450) 247 90 86

Slovakiya Aİ-nin Rusiyaya qarşı sanksiyalarını yenidən bloklayır

DÜNYA

978

11.07.2025, 21:38

Avropa Komissiyası (AK) Rusiyaya qarşı yeni sanksiyalar paketinin bloklanmasının dayandırılması müqabilində Slovakiyaya “bəzi zəmanətlər” verməyə hazırdır.

Oxu24.com   xəbər  verir    ki, bu barədə mənbələrə istinadən Bloomberg məlumat yayıb.

Qeyd olunur ki, Avropa İttifaqı (Aİ) Rusiyadan gələn və hazırda bir barreli 60 dollar olan neftin qiymət həddinin aşağı salınması və bazar qiymətlərindən asılı olaraq hər üç aydan bir avtomatik yenidən nəzərdən keçirilməsi ilə bağlı yeni təklifi nəzərdən keçirir.

Agentliyin mənbələri bildirir ki, limit 10 həftəlik orta göstərici əsasında bazar qiymətlərindən 15% aşağı səviyyədə müəyyən ediləcək.

"Bratislava Aİ-nin Rusiya qazından mərhələli imtina planında güzəştlərə can atır. Blokun icra hakimiyyəti vetonunu ləğv edəcəyi təqdirdə ölkəyə müəyyən təminatlar verməyə hazırdır", - hesabatda deyilir.

İyulun 5-də Slovakiya Aİ-nin Rusiyaya qarşı növbəti sanksiyalar paketini bloklayıb. Slovakiyanın baş naziri Robert Fikonun sözlərinə görə, Aİ-nin yeni planı ölkə iqtisadiyyatına mənfi təsir göstərə bilər.

İyulun 9-da Slovakiya yenidən Avropa İttifaqı (Aİ) tərəfindən Rusiyaya qarşı 18-ci sanksiyalar paketinin qəbuluna mane olub.

Daha əvvəl Fico Slovakiyanın Rusiyaya qarşı sanksiyaları hansı şərtlər altında dəstəkləyəcəyini açıqlamışdı.

Miri