Qaynar xətt:

(+99450) 247 90 86

İsrail ordusu bu ölkəyə hücum edib 

DÜNYA

173

16.05.2025, 19:00

İsrail təyyarələri Yəmənin qərbində bir neçə limana hücum edib.

Oxu24.com  xəbər verir   ki, bu barədə “Al Masirah” telekanalı məlumat yayıb.

Telekanalın məlumatına görə, İsrail ordusu Yəmənin qərbində “Səlif limanı və Qırmızı dənizdəki Hodeyda limanını” vurub.

Mayın 11-də İsrail aviasiyası Yəmənin şiə hərbi-siyasi hərəkatı Ənsar Allah tərəfindən nəzarət edilən üç limana hücum edib. Əl-Ərəbiyyə telekanalının məlumatına görə, təyyarələr Əl Hodeydə əyalətinin Hudeyda, Ras İsa və Salif limanlarına zərbələr endirib.

Mayın 6-da Ənsar Allah İsrail və ABŞ-ın nəzarəti altında olan ərazilərə hücumlarına cavab verəcəyi ilə hədələyib. Bəyanatda həmçinin deyilir ki, hərəkat rəhbərliyi İsrailin Yəmən limanlarına, eləcə də Səna hava limanına, sement zavodlarına və elektrik stansiyalarına hücumlarını Yəmən xalqına qarşı blokada tətbiq etmək cəhdi kimi qiymətləndirir.

Bundan əvvəl İsrail Livanda HƏMAS-ın Qərb briqadasının rəhbərini öldürüb.

Nigar