Qaynar xətt:

(+99450) 247 90 86

ABŞ və Qətər müdafiə sazişi imzalayıb

DÜNYA

166

14.05.2025, 19:55

ABŞ prezidenti Donald Tramp və Qətər əmiri Təmim bin Həməd Al Sani Dohada əməkdaşlıq müqaviləsi, onların müdafiə nazirlikləri arasında isə daha bir müqavilə imzalanıb.

Tədbir C-Span telekanalında yayımlanıb.

Müdafiə sahəsində əməkdaşlığa dair niyyət məktubunu Pentaqon katibi Pit Heqset və Qətərin müdafiə naziri Xalid bin Məhəmməd əl-Atiyah imzaladığı vurğulanır.

ABŞ-a təhvil verilən MQ-19 pilotsuz təyyarələri üçün də qəbul sertifikatı imzalanıb.

Bundan əvvəl Tramp Qətər əmiri Təmim Əl Taniyə ölkəyə rəsmi səfərə gələndə onu qarşılayan dəvələrə görə təşəkkür edib.

Tramp prezident kimi fəaliyyətə başladıqdan sonra ilk dövlət səfərini dünən Səudiyyə Ərəbistanına edib. Al Arabiya telekanalının məlumatına görə, prezident Qətərdən sonra Birləşmiş Ərəb Əmirliklərinə səfər edəcək - səfər mayın 15-nə planlaşdırılıb.

Mayın 12-də Amerikanın “Axios” portalı anonim mənbələrə istinadən yazıb ki, Tramp ərəb ölkələrinə səfəri zamanı ümumi dəyəri 1 trilyon dollar olan bir sıra sazişlər imzalamağı planlaşdırır. Portalın məlumatına görə, Səudiyyə Ərəbistanında Ağ Ev rəhbəri silah tədarükü ilə bağlı müqavilələr imzalamağı, həmçinin enerji və minerallar sektorunda sövdələşmələr bağlamağı planlaşdırır.

Bundan əvvəl Ağ Ev Qətərin Trampa lüks təyyarə hədiyyə edəcəyini təsdiqləmişdi.

Nigar