Məhkəmə Tramp administrasiyasına göstəriş verir

Vaşinqtondakı Federal Dairə Məhkəməsinin hakimi Ceyms Boasberq ABŞ-ın bir neçə agentliyinə martın 11-dən 15-dək Trampın komandasının The Atlantic-in baş redaktorunun iştirakı ilə Yəmən Husilərinə zərbələr endirilməsini müzakirə etdiyi Signal mesajlaşma proqramında mesajların saxlanmasını əmr edib.

“The Washington Post” yazır ki, hakimin müvəqqəti həbs qətimkan tədbiri Pentaqon, ABŞ Dövlət Departamenti, Milli Kəşfiyyat Direktoru Ofisi, Mərkəzi Kəşfiyyat İdarəsi və Milli Arxivlərə şamil edilir.

Müttəhimlər görülən tədbirlər haqqında bazar ertəsi, martın 31-nə qədər məlumat verməlidirlər. Hakimin qərarı American Oversight-ın qaldırdığı federal qeydlər üzrə məhkəmə iddiasının bir hissəsi kimi verilir.

"The Guardian" xəbər verir ki, hakim "Tramp administrasiyasının səhv bir şey etdiyinə qərar verdiyi" üçün deyil, mesajların itirilməməsi üçün onları qoruyub saxlamağı xahiş etdiyini "aydın etdi". Signal-da qrup söhbəti müəyyən müddətdən sonra mesajları silmək üçün təyin edilib.

Həmçinin oxuyun

Kartda pul saxlamaq artıq risklidir - Bank işçisi hər şeyi danışdı

Dəhşətli qəza: Həyatını itirənlər var 

Dolu düşəcək,sel keçəcək  - Əhaliyə xəbərdarlıq 

Azərbaycanda bu vəzifəli şəxs VƏFAT ETDİ - FOTO 

Ədliyyə Departamentinin vəkili hakimi qeydlərin artıq saxlandığına əmin etdi, lakin əlavə etdi ki, kabinet üzvləri avtomatik silmə parametrləri səbəbindən bəzi mesajları bərpa edə bilməyəcəklər.

Martın 24-də “The Atlantic” jurnalının baş redaktoru Ceffri Qoldberq Trampın komandasının Yəməndə husi üsyançılarına zərbə endirməsini müzakirə etdiyi “Signal” mesajlaşma proqramında qrup söhbətinə qoşulduğunu bildirib. Söhbətə ABŞ-ın vitse-prezidenti J.D.Vens, müdafiə naziri Pit Heqset, Yaxın Şərq üzrə xüsusi elçi Stiv Vitkoff, milli təhlükəsizlik müşaviri Mayk Vals və dövlət katibi Marko Rubio da daxil olmaqla 18 nəfər daxil olub. Vals jurnalisti söhbətə əlavə etdiyinə görə məsuliyyət götürdü. Daha sonra “The Atlantic” qəzeti Yəməndəki hədəflərə atılan Amerika F-18 qırıcılarının, pilotsuz təyyarələrin və “Tomahawk” raketlərinin uçuş vaxtlarını özündə əks etdirən söhbət yazışmalarının bütün ekran görüntülərini dərc edib.

Miri