MN nümayəndə heyəti Bolqarıstana səfər edib
19 Noyabr 2026, 11:45
Qaynar xətt:
(+99450) 247 90 86
CƏMİYYƏT
43
19.11.2026, 11:57
Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyevməşhur fotoqraf Rza Deqatinin ona Azərbaycanın itkin düşmüş şəxsləri haqqında kitabını təqdim etdiyini bildirib.
Oxu24.com xəbər verir ki, Hikmət Hacıyev bu barədə “X” hesabında paylaşım edib.
O qeyd edib ki, Rza Deqatinin obyektivindən onilliklərdir yaxınlarının yolunu gözləyən minlərlə ailənin ağrısı dünya ictimaiyyətinə çatdırılır.
Prezidentin köməkçisinin sözlərinə görə, hazırda 4 010 Azərbaycan vətəndaşı itkin düşmüş şəxs kimi qeydiyyatdadır. Ərazilərimizin işğaldan azad edilməsindən sonra 32 kütləvi məzarlıq aşkarlanıb və insan qalıqlarının çıxarılması, şəxsiyyətlərinin müəyyənləşdirilməsi istiqamətində işlər davam etdirilir.
Prezidentin köməkçisi Ermənistanın 200-dən çox kütləvi məzarlığın yerini açıqlamasını gözlədiklərini də vurğulayıb.
O, həmçinin 2020–2023-cü illərdə keçmiş təmas xətti boyunca basdırılmış minaların xəritələrinin təqdim edilməsinin vacibliyini qeyd edib. Bildirib ki, uzunluğu 440 kilometrdən, dərinliyi isə 2 kilometrdən çox olan ərazidəki minalar mülki şəxslərin ölümünə və yaralanmasına səbəb olmaqda, keçmiş məcburi köçkünlərin doğma yurdlarına qayıdışına mane olmaqda davam edir.
Hikmət Hacıyev vurğulayıb ki, bu, ilk növbədə, humanitar məsələdir. Məlumatların paylaşılması etimad quruculuğu, keçid ədaləti və regionda davamlı sülhə töhfə baxımından mühüm addım olardı.
“Ailələr yaxınlarının taleyini bilməyə layiqdirlər”, – deyə o qeyd edib.

12:07 / 19 Noyabr 2026
22
11:45 / 19 Noyabr 2026
55
11:30 / 19 Noyabr 2026
80
11:15 / 19 Noyabr 2026
54
11:10 / 19 Noyabr 2026
63
11:05 / 19 Noyabr 2026
83
11:00 / 19 Noyabr 2026
94
11:00 / 19 Noyabr 2026
97
10:55 / 19 Noyabr 2026
84
10:47 / 19 Noyabr 2026
84
10:32 / 19 Noyabr 2026
350
10:21 / 19 Noyabr 2026
256
10:19 / 19 Noyabr 2026
327
10:11 / 19 Noyabr 2026
95
10:07 / 19 Noyabr 2026
101
09:58 / 19 Noyabr 2026
716
09:56 / 19 Noyabr 2026
109
09:48 / 19 Noyabr 2026
143
09:45 / 19 Noyabr 2026
107
09:41 / 19 Noyabr 2026
107
09:37 / 19 Noyabr 2026
113
09:30 / 19 Noyabr 2026
109
09:27 / 19 Noyabr 2026
128
© 2026 Oxu24.com Müəllif hüquqları qorunur.