Donald Tramp prezidentliyə başladığı ilk gün 100-ə yaxın sərəncam imzalamaq niyyətində olduğunu bildirib. 

 Oxu24.com   xəbər verir ki, bu barədə respublikaçıların yaxın ətrafına daxil olan jurnalistlər məlumat verib.
Bildirilir ki, vəzifəyə gəldikdən sonra bir neçə saat ərzində mən onlarla fərman imzalayacağam, onların sayı yüzə yaxın olacaq.

Tramp əlavə edib ki, sənədlər vəzifədən gedən ABŞ Prezidenti Co Baydenin bir çox sərəncamını ləğv etmək məqsədi daşıyacaq.

Bundan əvvəl Trampın seçki kampaniyasının baş iqtisadi məsləhətçisi Stiven Mur demişdi ki, yeni dövlət başçısı vəzifəsinin ilk günündə 50-100 fərman imzalaya bilər, Sonrakı həftələrdə isə daha çox fərman gözlənilir. 

İqtisadçı hesab edir ki, sərəncamların əksəriyyəti enerji məsələlərinə həsr olunacaq. Beləliklə, Tramp Baydenin enerji istehsalına qadağalar və müəyyən ərazilərdə yeni neft və qaz yataqlarının işlənməsi, elektrik nəqliyyat vasitələrinin istifadəsi, təmiz enerjinin inkişafı proqramlarının maliyyələşdirilməsi və ekoloji standartların sərtləşdirilməsi ilə bağlı sərəncamlarını ləğv edə bilər.