Litva prezidenti Gitanas Nauseda ölkənin 2026-2030-cu illər arasında müdafiə xərclərini ÜDM-in 5-6%-nə qədər artırmaq niyyətini açıqlayıb.

Oxu24.com xəbər verir  ki, bu barədə “İnterfaks” məlumat yayıb.

Nauseda vurğulayıb ki, NATO ölkələri arasında liderlik nümayiş etdirmək üçün nəzərdə tutulan bu təşəbbüs 2030-cu ilə qədər tam döyüşə hazır diviziya formalaşdırmağa və milli müdafiə potensialını əhəmiyyətli dərəcədə gücləndirməyə imkan verəcək.

Dövlət başçısı qeyd edib ki, Litva dəyişən geosiyasi vəziyyət şəraitində milli təhlükəsizliyi təmin etməyə qadir müasir və səmərəli ordu yaratmaq məqsədini qarşıya qoyaraq, hərbi xərcləri əhəmiyyətli dərəcədə artırmaq üzrə iddialı öhdəlik götürür.

Prezidentin bəyanatı Litva Müdafiə Nazirliyinin NATO-nun müdafiə planlarına inteqrasiya olunmuş döyüş əməliyyatlarına tam hazır olan piyada diviziyasının yaradılması ilə bağlı əvvəlki planlarından sonra gəldi.

Ötən həftə Litva, Latviya və Estoniya öz ərazilərində ilkin sursat ehtiyatı yerləşdirmək üçün NATO-dan icazə almaq niyyətində olduqlarını bəyan ediblər.

Miri