Fələstinin Həmas hərəkatı İsrailin təhlükəsizlik tələblərini qəbul etməsə, İsrail ABŞ-ın dəstəyi ilə Qəzza zolağında tammiqyaslı hərbi əməliyyatları bərpa edəcək.

Oxu24.com xəbər verir  ki, bunu İsrailin baş naziri Benyamin Netanyahu deyib.

İsrailin baş naziri Qəzza razılaşmasının təsdiqlənməsi üçün Nazirlər Kabinetinin iclasında deyib: "Əgər razılaşmanın ikinci mərhələsi üzrə danışıqlar uğursuz olarsa və HƏMAS bizim təhlükəsizlik tələblərimizi qəbul etməsə, biz ABŞ-ın dəstəyi ilə intensiv hərbi əməliyyatları bərpa edəcəyik" .

Bundan əvvəl İsrailin HƏMAS-ı Qəzza zolağı ilə bağlı razılaşmanın razılaşdırılmış bəndlərinə əməl etməkdən boyun qaçırmaqda ittiham etdiyi bildirilirdi. Netanyahunun ofisi Fələstin hərəkatının güzəştə getməyə çalışdığını bildirib, lakin söhbətin konkret nədən getdiyini açıqlamayıb. Ağ Ev öz növbəsində qeyd edib ki, HƏMAS rəhbərliyi girovları azad etməkdən imtina edərsə, yeni eskalasiya mümkündür. İran əmindir ki, israillilər razılaşmadan imtina edə bilərlər.

Sözügedən razılaşma yanvarın 15-də Həmas və İsrail arasında imzalanıb. Münaqişə tərəfləri Qətərin paytaxtı Dohada atəşkəs, həmçinin 42 günlük atəşkəs və əsirlərin mübadiləsi haqqında saziş imzalayıblar.

Bundan əvvəl Həmas İsrailə qarşı yeni ittihamlar irəli sürmüşdü.

Nigar