İtaliyanın müdafiə naziri Guido Crosetto rəsmi səfərlə Kiyevə gəlib.

Oxu24.com xəbər verir  ki,bu barədə İtaliya Müdafiə Nazirliyinin saytında məlumat verilib.

“Müdafiə naziri Guido Crosetto Kiyevə Ukraynaya rəsmi səfərə gəlib və bu səfər zamanı bir sıra institusional görüşlər keçirəcək”, - məlumatda deyilir.

Yanvarın 14-də Almaniyanın müdafiə naziri elan olunmamış səfərlə Ukraynanın paytaxtına gəlib. N-tv-nin məlumatına görə, Pistorius səfəri döyüş meydanındakı vəziyyətlə bağlı aktual məlumat almaq və Ukrayna hökuməti ilə gələcək dəstəyi müzakirə etmək üçün təşkil edib.

Sonradan məlum olub ki, Zelenski Pistoriusla danışıqlar zamanı səfərbərlik yaşının 18 yaşa endirilməsi ilə bağlı xarici tərəfdaşların çağırışlarını rədd edib.

O əlavə edib ki, cəbhəyə gedən hərbi qulluqçular müvafiq biliyə malik olmalı və qorunmalıdırlar. Eyni zamanda, Ukrayna lideri Ukrayna Silahlı Qüvvələrinin silah və texnika ilə “doldurulması” üçün məsuliyyəti müttəfiq dövlətlərin üzərinə qoyub.

Bundan əvvəl Zelenski Böyük Britaniyanın baş nazirinin Ukraynaya səfər planlarını açıqlamışdı.

Nigar