Avropa İttifaqı Qəzza zolağında əldə edilən atəşkəs rejimini alqışlayır və İsrail ilə Fələstin arasında uzunmüddətli və davamlı sülhün yaradılmasının vacibliyini vurğulayır.

Oxu24.com xəbər verir  ki, bu barədə Aralıq dənizi üzrə Avropa komissarı Dubravka Şuikanın bəyanatına istinadən xəbər verir.

"Mən İsrail və HƏMAS arasında atəşkəs və razılaşmanı alqışlayıram... Aİ davamlı sülh və yenidənqurmaya nail olmaq üçün səyləri dəstəkləməyə sadiq qalır", - Avropa komissarı X sosial mediada yazıb.

Yanvarın 15-də CNN öz mənbələrinə istinadən xəbər verir ki, İsrail hakimiyyəti Qəzza zolağında atəşkəs və girovların mərhələli şəkildə azad edilməsi ilə bağlı HƏMAS hərəkatı ilə ilkin razılıq əldə edib. Hələ rəsmi olaraq açıqlanmayan razılaşmaya əsasən, HƏMAS və onun müttəfiqi yaraqlı qrupların 7 oktyabr 2023-cü il hücumları zamanı İsraildə girov götürülmüş 33 nəfəri azad edəcəyi gözlənilir. Bunun müqabilində İsrail yüzlərlə fələstinli məhbusu həbsxanalardan azad edəcək.

Bununla belə, İsrailin baş naziri Benyamin Netanyahunun ofisi vurğulayıb ki, Qəzza zolağındakı vəziyyətlə bağlı danışıqların davam etməsinə baxmayaraq, bəzi əsas məsələlər hələ də həllini tapmayıb. Bu məsələlərin bir neçə saat ərzində həll olunacağı gözlənilir.

Bundan əvvəl İsrail Qəzzadan olan girovları qəbul etməyə hazırlaşdığını rəsmən açıqlamışdı.

Nigar