Yəmənin Ənsar Allah (Husilər) hərəkatının sözçüsü Yəhya Saria Qırmızı dənizin şimalında ABŞ-ın nüvə enerjisi ilə işləyən təyyarədaşıyan USS Harry S. Truman-ın başçılıq etdiyi aviadaşıyıcı qrupa hücum etdiyini açıqlayıb.

OXU24.COM XƏBƏR VERİR  Kİ, bu barədə Al Masirah telekanalı məlumat yayıb.

Onun sözlərinə görə, hücum qanadlı raketlər və pilotsuz uçuş aparatları vasitəsilə həyata keçirilib. Saria hücumun miqyası və ondan istifadənin nəticələri barədə ətraflı məlumat verməyib.

“Raket Qüvvələri və Pilotsuz Hava Qüvvələri birgə hərbi əməliyyat keçirərək, qanadlı raketlər və pilotsuz uçuş aparatlarından istifadə etməklə Qırmızı dənizin şimal hissəsində ABŞ-ın “USS Harry S. Truman” aviadaşıyıcısına və onu müşayiət edən bir sıra gəmilərə hücum edib”, - deyə Saria bildirib.

Yanvarın 13-də Yəmənin Husilərin Ənsar Allah hərəkatı Təl-Əvivə raket və pilotsuz təyyarələrlə zərbələr endirib. Fələstin-2 hipersəs ballistik raketi İsrailin Təl-Əvivdəki kritik hədəfini uğurla vurub. Bundan əlavə, dörd pilotsuz uçuş aparatı da uğurlu zərbələr endirib.

Bundan əvvəl husilər İsraildə hava limanına raket zərbəsi endiriblər.

Miri