Lavrov Səudiyyə Ərəbistanının xarici işlər naziri ilə Suriyadakı vəziyyəti müzakirə edib

Rusiyanın xarici işlər naziri Sergey Lavrov Səudiyyə Ərəbistanının xarici işlər naziri Feysəl bin Fərhan Əl Səud ilə telefon danışığı aparıb.

Oxu24.com xəbər verir  ki,bu barədə Rusiya Xarici İşlər Nazirliyinin saytında məlumat verilib.

“Biz Suriyadakı vəziyyətin inkişafı vurğulanmaqla, regional gündəliyin bir sıra aktual məsələlərinə dair fikir mübadiləsi apardıq”, - deyə məlumatda bildirilir.

Tərəflər Suriyanın ərazi bütövlüyünün qorunması ilə yanaşı, bütün qüvvələrin iştirakı ilə Suriyalərarası dialoqun qurulmasının tərəfdarı olduqlarını bildiriblər. Rusiya ilə Səudiyyə Ərəbistanı arasında əlaqələrin möhkəmləndirilməsi məsələsi də müzakirə olunub.

Yanvarın 15-də Türkiyə prezidenti Rəcəb Tayyib Ərdoğan Suriyada fəaliyyət göstərən terror qruplaşmalarını silahlarını yerə qoymağa və dağılışlarını elan etməyə çağırıb.

Noyabrın 28-də Suriya müxalifətinin silahlı dəstələri Hələb vilayətinin qərb rayonlarında hökumət qüvvələrinə qarşı irimiqyaslı hücuma başlayıb. Nəticədə Hələb, Homs, Həma və Dəməşq şəhərlərini nəzarətə götürüblər. Suriya ordusu komandanlığı Əsədin hakimiyyətinin “bitdiyini” bəyan edib.

Bundan əvvəl Ərdoğan Suriyanın “parçalanmasına” imkan verməyəcəyinə söz vermişdi.

 

Nigar