Putin və Trampın görüşünün mümkün yeri məlum olub

Birləşmiş Ərəb Əmirlikləri (BƏƏ) Rusiya prezidenti Vladimir Putinlə ABŞ-ın yeni seçilmiş lideri Donald Trampın görüşünün keçiriləcəyi məkana çevrilə bilər.

Oxu24.com  xəbər verir ki, bunu Rusiya Xarici İşlər Nazirliyinin Diplomatik Akademiyasının prorektoru Oleq Karpoviç deyib.

“Seçki kampaniyası zamanı Donald Tramp bəyan etmişdi ki, o, Ukrayna böhranının həllinə kömək edəcək. İndi növbəti mərhələyə keçmək və verilən vədləri yerinə yetirmək vaxtıdır”.

Karpoviçin sözlərinə görə, ABŞ-ın hazırkı lideri Co Baydenin siyasəti Rusiya-Amerika münasibətlərində böhrana gətirib çıxarıb, lakin onların həlli üçün müəyyən tədbirlər görülməlidir. O əlavə edib ki, Rusiyaya qarşı sanksiyalara qoşulandan sonra neytral dövlət olmaqdan çıxdığı üçün İsveçrə liderlərin görüşünün keçiriləcəyi yer qətiliklə olmayacaq.

Prorektorun sözlərinə görə, sammit üçün Yaxın Şərqdən ölkə seçiləcək. O vurğulayıb ki, BƏƏ bu məsələdə nəzərə alınmalıdır, çünki ölkə danışıqlarda, məsləhətləşmələrdə və mübadilələrdə iştirak edib.

 

Nigar