Slovaklar Ermənistana Aİ-də dəstək vəd edir

Ermənistan Avropa İttifaqında Slovakiyanın dəstəyinə arxalana bilər.

Oxu24.com xəbər verir  ki, bu barədə Slovakiyanın Aİ yanında Daimi Nümayəndəliyi bildirib.

“Slovakiyanın Aİ-dəki daimi nümayəndəsi Juraj Nociar Ermənistanın Aİ-dəki səfiri Tiqran Balayan ilə Cənubi Qafqazda baş verən son hadisələri və Slovakiya ilə Ermənistan arasında ikitərəfli əməkdaşlığın gücləndirilməsi imkanlarını müzakirə edib”, - məlumatda deyilir.

Bundan əvvəl Avropa Komissiyası Ermənistanın Aİ-yə daxil olması ilə bağlı qanunvericilik təşəbbüsünü təhlil edəcəyini və onu Yerevanla müzakirə edəcəyini bildirmişdi.

Yanvarın 9-da Ermənistan hökuməti Avropa İttifaqına üzvlük prosesinə başlamaq üçün qanun layihəsini təsdiqləyib. Respublikanın baş naziri Nikol Paşinyan vurğulayıb ki, bu məsələ ilə bağlı qərar yalnız referendum yolu ilə verilə bilər.

 

Nigar