Estoniyada müxalifət partiyası İsamaa hibrid hücumlar təşkil edildiyi iddia edilən ölkənin Rusiya ilə sərhədlərini bağlamağı təklif edib.

Oxu24.com xəbər verir  ki,bu barədə ERR teleradio şirkəti məlumat yayıb.

Qeyd olunur ki, partiya lideri Urmas Reinsalu qanun layihəsini onun sözlərinə görə, Rusiyanın Estoniya və müttəfiqlərinə qarşı təşkil etdiyi bir neçə hibrid hücumla əsaslandırıb. Belə ki, o, dekabrda Rusiyanı Finlandiya körfəzində elektrik kabelini zədələməkdə ittiham edib.

Dekabrda Estoniyanın daxili işlər naziri Lauri Laanemets bildirmişdi ki, departament respublikanın Rusiya ilə sərhədinin bağlanmasını zəruri addım hesab etmir. O əlavə edib ki, hazırda təhlükəsizlik baxımından belə bir tədbirə ehtiyac yoxdur.

Ötən ilin iyununda Çexiyanın “Lidovky” nəşri yazmışdı ki, Polşa və Baltikyanı ölkələr özlərini Rusiyadan “dəmir pərdə” ilə hasarlamaq və onunla və Belarusla sərhəddə “aşılmaz sədd” qurmaq istəyirlər. Nəşr Britaniyanın baş naziri Uinston Çörçillin Fulton çıxışından 78 il sonra Avropada yeni Dəmir Pərdənin formalaşdığını bildirib.

Daha əvvəl bildirilmişdi ki, Estoniya bütün Rusiya ilə sərhədi müşahidə sistemləri ilə təchiz etmək niyyətindədir.

Nigar