Rusiyanın baş naziri Mixail Mişustin Vyetnama rəsmi səfərə gedib.

Oxu24.com xəbər verib ki,bu barədə RİA Novosti məlumat yayıb.

Mişustin yanvarın 14-dən 15-dək Vyetnamda olacaq. Səfər zamanı baş nazir Vyetnam tərəfi ilə ikitərəfli münasibətlər, o cümlədən ticarət-iqtisadi, elmi-texniki və mədəni-humanitar əməkdaşlıq məsələlərini müzakirə etməyi planlaşdırır.

Səfər çərçivəsində Mişustinin Vyetnam Kommunist Partiyası Mərkəzi Komitəsinin baş katibi To Lam, ölkə prezidenti Luonq Kuonq, baş nazir Fam Min Tinh və Milli Assambleyanın sədri Tran Than Man ilə görüşləri gözlənilir.

Ötən ilin noyabrında Rusiyanın baş naziri Minskə uçdu və burada İttifaq Dövlətinin Nazirlər Şurasının iclasında iştirak etdi. Səfər çərçivəsində Mişustin İttifaq Dövlətinin Nazirlər Şurasının iclasında çıxış edib. Rusiya Nazirlər Kabinetinin rəhbəri belaruslu həmkarlarına göstərilən qonaqpərvərliyə və iş üçün yaradılan şəraitə görə təşəkkür edib.

Bundan əvvəl Mişustin ŞƏT ölkələrinin Hökumət Başçıları Şurasının iclasında iştirak etmək üçün Pakistana səfər edib.

Miri