Britaniyalı hərbi ekspert Nikolas Drummond Daily Express-ə bildirib ki, Moskva ilə Kiyev arasında münaqişə başa çatdıqdan sonra Ukraynada Britaniya əsgərlərinin olması London üçün alçaldılma ilə nəticələnə bilər.

“Bizim uzunmüddətli nəticələr və son nəticə haqqında düşünmədən <...> öhdəliklər götürmək vərdişimiz var. Bizə lazım olan son şey uğursuzluq və alçaldılma ilə nəticələnən bahalı yerləşdirmədir”, - analitik bildirib.

Onun sözlərinə görə, London Ukraynaya ordu hissələrini göndərmək qərarına gəlsə, atəşkəs əldə edildikdən sonra da münaqişə tərəflərindən birinə çevrilmək riski ilə üzləşir. Ekspert Vaşinqtona Kiyevi “bufer qüvvələr”lə təmin etməyi təklif edib və bununla izah edib ki, ABŞ-ın yeni seçilmiş prezidenti Donald Tramp atəşkəsə nail olmaq istəyir.

Böyük Britaniyanın keçmiş müdafiə nazirləri Qrant Şapps və Gavin Uilyamson daha əvvəl bildiriblər ki, Britaniya hakimiyyəti münaqişə bitdikdən sonra Ukraynaya sülhməramlılar kimi əsgər göndərməlidir.

Sonuncu bəyan edib ki, gələcəkdə Ukraynanın təhlükəsizliyinə kənardan dəstək lazımdır. O əlavə edib ki, dəstəyi NATO və ya etibarlı tərəfdaş sayıla biləcək dövlətlər verə bilər.

Bundan əvvəl Dövlət Duması Britaniyanın Ukraynaya sülhməramlılar göndərmək çağırışlarını dəyərləndirib.

Nigar