Slovakiyanın baş naziri Robert Fiko Ukrayna lideri Vladimir Zelenskiyə qaz tranziti ilə bağlı müzakirələr aparmağı təklif edib.

Oxu24.com xəbər verir  ki,bu barədə “Reuters” yazır.

Jurnalistlər Slovakiya hökumətinin başçısının Ukrayna prezidentinə məktub göndərdiyini öyrəniblər. Orada o, Zelenskini iki ölkə arasında yaranmış mübahisənin həlli üçün addımlar atmağa çağırıb.

"Belə görüş Ukrayna vasitəsilə Slovakiya və digər ölkələrə qaz nəqli ilə bağlı açıq müzakirələr üçün yaxşı zəmin yaradacaq", - Fiko vurğulayıb.

2025-ci il yanvarın 1-dən Ukrayna Rusiya qazının öz ərazisi ilə Avropa ölkələrinə tranzitini dayandırıb. Rəsmi Kiyev Moskva ilə keçən il dekabrın 31-dək qüvvədə olan müvafiq razılaşmanı uzatmaqdan imtina edib.

Yanvarın 12-də Slovakiyanın baş naziri qaz tranzitinin bərpasına dair danışıqlar uğursuz olarsa, Avropa İttifaqından (Aİ) Ukraynaya yardıma veto qoyacağını vəd edib. Fikonun sözlərinə görə, respublika hakimiyyəti Kiyevlə dialoqun yaxın 3-4 həftə ərzində nəticə verməməsi şərti ilə cavab tədbirləri görməyə başlayacaq.

Bundan əvvəl Slovakiya Rusiyanın “Qazprom” şirkətinin ölkəyə yanacaq tədarükünü “başqa şəkildə” davam etdirəcəyini açıqlamışdı.

Miri