Dondurulmuş Rusiya aktivlərindən  ilk pullar Ukraynaya verilib.

Oxu24.com xəbər verir ki, bu barədə Ukraynanın Baş naziri Denis Şmıqal öz Telegram kanalında məlumat verib.

“Ukrayna Rusiyanın dondurulmuş aktivlərindən əldə edilən gəlirlə ABŞ-dan 1 milyard dollar alıb. Bu, planlaşdırılan 20 milyard dolların birinci tranşıdır”, - deyə o bildirib.

Şmıqal Kiyevin bu məbləğin digər hissələrini nə vaxt alacağını dəqiqləşdirməyib.

Bu gün baş nazir bildirib ki, Yaponiya və Böyük Britaniya Ukraynaya 1 milyard dollar vəsait ayırıblar. Şmıqala görə, tranş Dünya Bankının DPL proqramının bir hissəsi olaraq iki ölkənin hökumətlərinin zəmanəti altındadır.

Dekabrın 20-də o, Ukraynanın Rusiya Federasiyasının dondurulmuş aktivlərindən ilk dəfə olaraq 1 milyard dollar almağa imkan verən yekun sazişlər imzaladığını açıqlayıb. O qeyd edib ki, bu məbləğ Dünya Bankı tərəfindən Rusiya Federasiyasının dondurulmuş Rusiya aktivlərinin istifadəsi mexanizmi çərçivəsində ABŞ-ın qarşıdan gələn töhfəsi üçün geri qaytarılmayan qrant şəklində ayrılacaq.

Miri