ABŞ-ın yeni seçilmiş prezidenti Donald Tramp Truth sosial şəbəkəsində Panama kanalının fotoşəkili və ABŞ bayrağının əks olunduğu yazı dərc edib.

Oxu24.com xəbər verir ki, Tramp fotoya “ABŞ-a xoş gəlmisiniz, Kanal” yazıb.

Bir gün əvvəl gələcək Amerika prezidenti Panama kanalının yenidən ABŞ mülkiyyətinə çevrilə biləcəyini bildirib.

Siyasətçinin sözlərinə görə, Panama tərəfindən kanaldan keçid üçün alınan rüsum, xüsusən də ABŞ-ın göstərdiyi səxavət nəzərə alınmaqla, “sadəcə gülüncdür”. Tramp həmçinin kanalın transferi müqaviləsinin şərtlərinə zidd olsa da, Çinin Panama kanalından istifadəni davam etdirməsindən narazılığını bildirib.

Daha sonra ölkə prezidenti Xose Raul Mulino ABŞ-ın gələcək prezidentinin bəyanatına cavab verib. O vurğulayıb ki, gəmiçilik kanalı 1977-ci il müqaviləsi əsasında Panamaya aid olduğu üçün Vaşinqtonun mülkiyyətinə keçməyəcək.

Daha əvvəl Tramp Baydenin prezidentliyinin ilk günündə ləğv edəcəyi məhdudiyyətlərin adını çəkmişdi.

Nigar