Kobaxidze Gürcüstandakı seçkilərə kimin müdaxilə edəcəyini açıqlayıb

“Rusiya deyil, başqa ölkələr Gürcüstanda payızda keçiriləcək parlament seçkilərinə müdaxilə edə bilər”.

 

Oxu24.com xəbər verir   ki, bu barədə   ölkənin baş naziri İrakli Kobaxidze bildirib.

“Rusiyanın Gürcüstandakı seçki proseslərinə ciddi təsir göstərmək üçün resursları yoxdur, amma başqa qüvvələr var”, - Kobaxidze bildirib.

 

Onun sözlərinə görə, “2024-cü il seçkilərinin görünməmiş kənar müdaxilələr fonunda keçirilməsi çox təəssüf doğurur ki, bu da seçki prinsiplərinin kobud şəkildə pozulmasıdır”.

 

Kobaxidze qeyd edib ki, “bütün bunların bir səbəbi var - Gürcüstan bəzi konkret insanları narahat edən ikinci cəbhə açmayıb”. Baş nazirin sözlərinə görə, “bu insanlar ümid edirlər ki, seçkilərdən sonra da ikinci cəbhə açmaq üçün öz agentlərini hakimiyyətə qaytara biləcəklər”.

 

Kobaxidze artıq iyul ayında demişdi ki, müxalifət oktyabrda ölkədə keçiriləcək parlament seçkilərində qalib gəlsə, Gürcüstan Rusiya üçün ikinci cəbhəyə çevriləcək. Onun sözlərinə görə, bu hərəkətlərdən imtina etdiyinə görə hakim “Gürcü arzusu” partiyasını rusiyapərəst adlandırıblar. Hökumət başçısı əlavə edib ki, Ukraynaya hərbi personalın göndərilməsi Gürcüstanın Rusiya ilə qarşıdurmada tam iştirakı deməkdir.

 

Miri