Rumıniyada Rusiyaya məxsus pilotsuz təyyarələrin yeni qalıqları tapılıb

Rumıniyada Rusiyanın Ukraynaya endirdiyi zərbədən sonra pilotsuz uçan aparatların qalıqlarının düşə biləcəyi yerlərdə aparılan axtarış əməliyyatı çərçivəsində Catalkioi kəndi yaxınlığındakı Tulcea ərazisində yeni İHA fraqmentləri aşkar edilib.

 

Oxu24.com xəbər verir  ki, bu barədə Rumıniya Milli Müdafiə Nazirliyinə istinadən RBC-Ukrayna məlumat yayıb.

 

İdarədən qeyd edilib ki, axtarışlar Müdafiə Nazirliyinin və milli müdafiə sisteminin, ictimai asayişin və milli təhlükəsizliyin təmin edilməsi üzrə digər ixtisaslaşmış strukturların mütəxəssislərindən ibarət qarışıq qruplar tərəfindən aparılıb.

 

Rumıniya tərəfi qeyd edib ki, “insident zonası kimi müəyyən edilən bütün yerlər məskunlaşan ərazilərdən kənarda yerləşir və heç bir insan və ya infrastruktur zədələnməyib”.

 

Nigar