Gürcüstanda “xarici agentlər haqqında” qanun qüvvəyə minib

Gürcüstanda “Xarici təsirin şəffaflığı haqqında” qanun (“xarici agentlər” qanunu) avqustun 1-dən qüvvəyə minib.

 

Oxu24.com xəbər verir  ki, O, gəlirlərinin 20%-dən çoxunu xaricdən əldə edən qeyri-hökumət təşkilatlarını və KİV-ləri Milli Dövlət Reyestri Agentliyində qeydiyyatdan keçirməyə məcbur edir.

 

Qanunda qeyd olunur ki, xarici dövlətin maraqlarını güdən təşkilat kimi qeydiyyatdan yayınma 25 min lari (9 min dollardan çox) məbləğində cərimə ilə nəticələnir.

 

Gürcüstanda QHT-lərin dəqiq sayı məlum deyil, lakin hakim “Gürcü Arzusu” partiyasının sədri İrakli Qaribaşvili jurnalistlərə bildirib ki, üç minə yaxın təşkilat var, onların böyük əksəriyyəti xarici maliyyə yardımı hesabına fəaliyyət göstərir.

 

Parlamentin qəbul etdiyi “xarici agentlər” haqqında qanun gürcü müxalifətinin etirazına və Gürcüstan hökumətinə maliyyə yardımını qismən dayandıran ABŞ və Avropa İttifaqının mənfi reaksiyasına səbəb olub.

 

Miri