TikTok-un baş qərargahında kütləvi zəhərlənmə baş verib

TikTok-un Sinqapurdakı baş qərargahında kütləvi zəhərlənmə baş verib, 60 nəfər xəsarət alıb, onlardan 57-si xəstəxanaya yerləşdirilib.

 

Oxu24.com  xəbər verir  ki, bu barədə Mash Telegram kanalı məlumat yayıb.

 

Qeyd olunur ki, bütün qurbanlarda eyni simptomlar olub: qarın ağrısı, qusma, temperatur 38+, soyuq tər, solğunluq. Hamısına qastroenterit diaqnozu qoyulub. İşçilər ofisin yeməkxanasında zəhərləniblər.

 

İlkin məlumata görə, TikTok əməkdaşlarının aldığı qidanın tərkibində E.coli var. Yerli bloqçular yazıblar ki, bu işdə ABŞ kəşfiyyat orqanları ola bilər. 

 

Bir gün əvvəl Şimali Osetiyada Ümumrusiya turist mitinqində 11 uşağın zəhərləndiyi xəbəri yayılmışdı. Beş uşaqda bədən istiliyi yüksəldi, digər altı uşaqda isə bağırsaq xəstəlikləri var idi. Onların vəziyyəti kafi qiymətləndirilir.

 

Nigar