Rusiya hərbi dəniz qüvvələrinin genişmiqyaslı təlimləri başladı

Rusiya Arktika, Baltik və Xəzər dənizlərində və Sakit okeanda irimiqyaslı hərbi dəniz təlimlərinə başlayıb.

 

Oxu24.com xəbər verir  ki, Rusiya Müdafiə Nazirliyinin mətbuat xidməti məlumat yayıb.

“Rusiya Hərbi Dəniz Qüvvələrinin birlik və birləşmələri Şimal, Sakit okean və Baltik donanmalarının əməliyyat zonalarında, eləcə də Xəzər flotiliyasının cavabdehlik zonasında planlı təlimlər keçirməyə başlayıb”, - deyə Rusiya Müdafiə Nazirliyi bildirib. .

 

Departamentdən verilən məlumata görə, manevrlərdə 300-ə yaxın gəmi, kater, sualtı qayıq və yardımçı gəmilər, 50-yə qədər təyyarə, 200-dən çox hərbi və xüsusi texnika, o cümlədən 20 mindən çox hərbi qulluqçu və mülki heyət iştirak edir.

 

Çoxgünlük təlimin məqsədi Hərbi Dəniz Qüvvələrinin “hərbi komandanlıq və idarəetmə orqanlarının hərəkətlərinin yoxlanılması” və “Rusiya Hərbi Dəniz Qüvvələrinin gəmilərinin, dəniz aviasiya hissələrinin və sahil qoşunlarının ekipajlarının nəzərdə tutulmuş tapşırıqları yerinə yetirməyə hazır olmasıdır.”

Manevrlər zamanı 300-dən çox “silahdan praktiki istifadə ilə döyüş təlimi”nin icrası gözlənilir. Söhbət digər məsələlərlə yanaşı, dəniz və hava təlimləri hədəflərinə zenit-raket və artilleriya atəşindən gedir.

 

Nigar