Gürcüstandakı QHT-lər “Xarici agentlər haqqında” qanun çərçivəsində qeydiyyatdan keçəcək

Gürcüstanda xarici dövlətlər və ya təşkilatlar tərəfindən maliyyələşdirilən qeyri-hökumət təşkilatları (QHT-lər) “Xarici təsirin şəffaflığı haqqında” qanuna (Xarici agentlər haqqında qanun) uyğun olaraq, avqustun 1-dən Ədliyyə Nazirliyinin yaratdığı reyestrdə qeydiyyatdan keçməyə başlayacaq.

 

Oxu24.com  xəbər verir ki, bunu Gürcüstanın ədliyyə naziri Rati Breqadze deyib.

 

Onun sözlərinə görə, QHT-lərin qeydiyyatı üçün texniki baza hazırdır.

 

Mayın 14-də Gürcüstan parlamenti xarici agentlər haqqında qanun qəbul edib.

 

Sənəd xarici mənbələrdən pul alan qeyri-hökumət təşkilatlarının (QHT) və KİV-lərin reyestrinin yaradılmasını nəzərdə tutur.

 

Siyahıya gəlirlərinin 20%-dən çoxu xarici maliyyədən gələn hüquqi şəxslər və ya KİV-lər daxil ediləcək. Qanun fiziki şəxslərə şamil edilmir. Qanun layihəsinin müzakirəsi etiraz aksiyaları ilə müşayiət olunub.

 

Qanunun qəbulunun lehinə 84 deputat, əleyhinə 30 deputat səs verib, daha 58 deputat bitərəf qalıb.

 

Bundan əvvəl Rusiya Federasiyası Dövlət Dumasına xarici agentlərin seçkilərdə iştirakını qadağan edən qanun layihəsi təqdim edilib.

 

Miri