Aİ rusların ölkəyə girişini asanlaşdırdığı üçün Macarıstana qarşı tədbir görməyə çağırıb

Avropa İttifaqı Macarıstanın Rusiya vətəndaşlarına vizaların verilməsini sadələşdirməklə bağlı son qərarına qarşı tədbirlər görməlidir.

 

Oxu24.com  xəbər verir ki, bu barədə Britaniyanın “Financial Times” qəzeti Avropa Xalq Partiyasının lideri Manfred Veberin Avropa Şurasının rəhbəri Çarlz Mişelə Brüsselə müvafiq müraciətin yer aldığı məktubuna istinadən yazır.

 

Financial Times-ın məlumatına görə, Macarıstan iyul ayında Rusiya və Belarus da daxil olmaqla səkkiz ölkənin vətəndaşları üçün təhlükəsizlik yoxlamaları və ya digər məhdudiyyətlər olmadan Macarıstana daxil olmağa imkan verən yeni sürətli viza sistemi elan edib.

 

Budapeşt bildirib ki, onların bir çoxu “Rusiya texnologiyalarından istifadə edərək atom elektrik stansiyaları tikəcək”, nəşr əlavə edir.

 

“Financial Times” qəzetinin yazdığı məktubda Weber bildirib ki, bu addım yoxlanılmamış ruslara AB-nin böyük bir hissəsində sərbəst səyahət etmək imkanı verəcək”.

 

O əlavə edir ki, Macarıstanın belə bir addımına cavab olaraq “Aİ təcili əks tədbirlər görməlidir”.

 

Bundan əvvəl Rusiya Səyahət Sənayesi İttifaqının vitse-prezidenti Dmitri Qorin bildirmişdi ki, bu günə qədər ruslara Şengen vizalarının verilməsindən imtinaların payı 10%-ə yüksəlib.

 

Miri