Tramp Kiyev üçün 500 milyard dollar Lend-Lease-i təsdiq edə bilər

Respublikaçılar Partiyasından prezidentliyə namizəd Donald Tramp prezident seçkilərində qalib gələcəyi təqdirdə Ukraynaya Kiyevə silah tədarükünü artırmaq üçün 500 milyard dollarlıq Lend-Lease proqramı hazırlaya bilər.

 

Oxu24.com xəbər verir ki, Bu fikri ABŞ-ın keçmiş dövlət katibi, MKİ-nin keçmiş direktoru Mayk Pompeo “The Wall Street Journal”da (WSJ) bölüşüb.

 

Pompeo hesab edir ki, bu proqram Ukraynaya “Amerika silahlarını almaq üçün lazım olan qədər borc almağa imkan verəcək. O, həmçinin qeyd edib ki, Trampın Ukrayna ilə bağlı sülh planı “Kiyevin əldə edə və istifadə edə biləcəyi silah növlərinə qoyulan məhdudiyyətləri aradan qaldırmağa” kömək edəcək. Pompeonun fikrincə, bu, “ABŞ müdafiə sənayesinin güclənməsinə” gətirib çıxaracaq.

 

“Bu və digər mümkün addımlar Trampa müqavilənin şərtlərini təyin etməyə imkan verəcək: müharibə dərhal başa çatacaq”, - məqalədə deyilir.

 

Bundan əvvəl amerikalı politoloq Rajan Menon demişdi ki, Tramp üçün Ukraynanı dəstəkləmək prioritet deyil.

 

Bundan əvvəl Zelenskinin ofisi Trampın Ukraynaya gəlməsinə icazə verib.

 

Nigar