Avropa Komissiyası Aİ ölkələrinin vətəndaşlarına və şirkətlərinə Rusiya ilə aktivlərin mübadiləsində iştirakını qadağan edib.

RBC bu barədə Birliyin Maliyyə Sabitliyi, Maliyyə Xidmətləri və Kapital Bazarları üzrə Baş Direktorluğunun (DG FISMA) açıqlamalarına istinadən xəbər verir.

“NSD-nin sahib olduğu, saxladığı və ya nəzarət etdiyi bütün fondlar və iqtisadi resurslar dondurulmalıdır. Bu [birjaya] birbaşa və ya dolayısı ilə heç bir vəsait və ya iqtisadi resurs verilə bilməz”, - bəyanatda deyilir.

İyunun 12-də ABŞ Moskva Birjasına, Milli Klirinq Mərkəzinə (MKM), həmçinin birjada valyuta əməliyyatlarında vasitəçi kimi çıxış edən Milli Hesablaşma Depozitarına (NSD) qarşı sanksiyalar tətbiq edib. Bu, Moskva birjasında dollar və avro ilə ticarətin dayandırılmasına səbəb olub.

Daha əvvəl bildirilmişdi ki, G7 Rusiya Federasiyasının dondurulmuş aktivlərinin istifadəsi ilə bağlı hələ qərar qəbul etməyib.

Nigar