Nazarbayevə daha bir zərbə vuruldu

Qazaxıstanın keçmiş prezidenti Nursultan Nazarbayev artıq respublikanın Milli Elmlər Akademiyasının üzvü deyil.

 

Oxu24.com xəbər verir  ki, elm və ali təhsil naziri Sayasat Nurbek bildirib.

Nurbek bildirib  ki, 2023-cü ildə Qazaxıstan prezidenti Kasım-Jomart Tokayevin qərarı ilə 9 üzvdən ibarət yeni Elmlər Akademiyası yaradılıb. "Keçmiş akademiyanın üzvlərinə gəlincə, onların statusu sıfırlanıb”, - nazir qeyd edib.

Qazaxıstan Milli Elmlər Akademiyasının akademiki statusu Nazarbayevə 1995-ci ildə verilib. 2011-ci ildə akademiyada elm adamlarının forumu keçirilib və orada Nazarbayev “Əsrin alimi” adına layiq görülüb.

Aprel ayında Astanada Qazaxıstan Silahlı Qüvvələri Muzeyindən Nazarbayevin mum fiquru götürülüb. Fevral ayında onun heykəli Qazaxıstan Milli Muzeyinin zalındakı sərgidən zalların konsepsiyasında dəyişiklik edildiyi üçün çıxarılıb. Yanvar ayında Astanada Milli Müdafiə Universitetinin ərazisində Nazarbayevin abidəsi sökülüb.

2023-cü il fevralın 15-də Tokayev “Qazaxıstan Respublikasının birinci Prezidenti - Elbası haqqında” Qazaxıstan Respublikasının konstitusiya qanununun qüvvədən düşmüş hesab edilməsi haqqında” qanunu imzalayıb. Bu qanun Nazarbayevin, eləcə də onun ailə üzvlərinin statusunu və imtiyazlarını tənzimləyirdi.

Nigar