Almaniya və Litva deputatları Mixael Rot və Ziqimantas Pavilionis Tbilisidə Gürcüstan parlamenti yaxınlığında keçirilən mitinqdə “Xarici təsirin şəffaflığı haqqında” anunun əleyhinə çıxış ediblər.

OXU24.COM  xəbər verir ki, bu barədə "Sputnik Gürcüstan" məlumat yayıb.

Deputatların səhnəyə çıxaraq etirazçılara dəstək verdiyi bildirilir. Onların çıxışı alqışlarla qarşılanıb.

Avropalı deputatların hərəkətlərini Gürcüstanın baş naziri İrakli Kobaxidze şərh edib:

“Xarici siyasətçilər birbaşa siyasi səhnəyə çıxırlar, baş verənlərin miqyasını təsəvvür edin. Təbii ki, onların Gürcüstanın daxili siyasətinə kənardan müdaxilə etməyə cəhd etməsi qətiyyən yolverilməzdir”.

Bundan əvvəl məlum olub ki, Gürcüstan hökuməti Almaniya, Polşa, Çexiya, Latviya, Litva və Estoniyadan ölkəyə gələn nümayəndə heyətləri ilə əlaqə saxlamaqdan imtina edib .

Mayın 14-də Gürcüstan parlamenti “Xarici təsirin şəffaflığı haqqında” qanunu üçüncü oxunuşda qəbul edib. Hakimiyyətin qərarı paytaxtda kütləvi etirazlara səbəb olub.