Gürcüstan prezidenti xarici agentlər haqqında qanuna veto qoymağı planlaşdırır

Gürcüstan prezidenti Salome Zurabişvili xarici agentlər haqqında qanuna veto qoyacaq.

 

Oxu24.com  xəbər verir ki, bu barədə prezidentin parlament katibi Georgi Msxiladze bildirib.

 

“Prezident, əlbəttə ki, konstitusiya hüququndan istifadə edəcək və sözügedən qanuna veto qoyacaq”, - Msxiladze bildirib.

 

Qanunun təsirinə məruz qala bilən müxalif Mtavari Arxi televiziya şirkəti bildirib ki, Tbilisinin mərkəzində Gürcüstan parlamentinin binasının girişində etiraz aksiyası başlayıb - müxalifət xarici agentlər haqqında qanunun geri götürülməsini tələb edib.

 

Aksiya iştirakçılarından birinin sözlərinə görə, aprelin 8-i bazar ertəsi qanun layihəsi parlamentin bürosunda qeydə alınmalıdır.

 

Almaniya Xarici İşlər Nazirliyinin mətbuat katibi Sebastyan Fişer bildirib ki, qanunun qəbulu ilə əlaqədar Gürcüstan Avropa İttifaqına üzv olmaq üçün namizəd statusunu itirə bilər.

 

Aprelin əvvəlində hakim “Gürcü arzusu” partiyasının icraçı katibi Mamuka Mdinaradze hökumətin xarici agentlər haqqında qanuna yenidən baxılacağını bəyan edib.

 

O, ABŞ, İsrail və Avstraliyada da oxşar qanunların olduğunu qeyd edib.

 

Nigar