Ukrayna Ali Radasının Müdafiə Komitəsi öz iclasında səfərbərlik haqqında qanun layihəsinə baxılmasını başa çatdırmayıb, məsələ növbəti günə təxirə salınıb.

Oxu24.com  xəbər  verir  ki, bu barədə Strana.ua Radanın deputatı Yaroslav Jeleznyak-a istinadən məlumat yayıb.

Ali Rada qanun layihəsinə aprelin 10-da baxmağa başlamalıdır və bu məsələ ilə bağlı yekun səsvermə artıq aprelin 11-nə təyin edilib.

Aprelin 5-də Ukraynanın baş naziri Denis Şmıqal Ukrayna Silahlı Qüvvələri sıralarına 500 min nəfərin səfərbər edilməsi ilə bağlı ilkin planların ixtisar edildiyini bildirib, lakin konkret məlumat verməyib.

Onun sözlərinə görə, səfərbərlik planlarının yumşaldılmasına səbəb ali baş komandanın dəyişdirilməsi, Ukrayna Silahlı Qüvvələrinin auditi və cəbhə xəttində rotasiya olub.

Ukraynanın səfərbərlik haqqında qanun layihəsi dekabrın 26-da dərc edilib və o vaxtdan bəri ona minlərlə düzəliş və şərhlər edilib.

Sənəddə nəzərdə tutulur ki, hərbi xidmətə cəlb olunmuş şəxslərin reyestrinə daxil edilmiş şəxslər xaricə getmək, avtomobil idarə etmək, öz vəsaitlərindən istifadə etmək, daşınmaz əmlakla bağlı əməliyyatlar aparmaq və sənədləri - pasport və beynəlxalq pasportları tərtib etmək hüququnu itirəcəklər.

Bundan əvvəl Ukrayna Silahlı Qüvvələri bəyan etmişdi ki, Ukraynada səfərbərlik zamanı “oturmaq” mümkün olmayacaq.

Nigar