Rusiya Ukraynaya hücum taktikasını dəyişir

Rusiya Ukraynanın enerji infrastrukturuna hücum taktikasını dəyişərək, Kiyevdən daha az müdafiə olunan ərazilərdə elektrik stansiyalarını məhv etmək üçün dəqiq idarə olunan raketlərdən istifadə edib. Bəzi obyektlər gələn qışa qədər tam bərpa olunmayacaq.

 

Oxu24.com  xəbər  verir  ki, bu barədə Financial Times yazır.

“Ukrayna rəsmiləri bildiriblər ki, Moskvanın vurduğu ziyan o qədər də böyük olmasa da, 2022-2023-cü illərin qışından daha pisdir və aydındır ki, Rusiya Federasiyasının indi məqsədi qalıcı, bərpası mümkün olmayan ziyan vurmaqdır. Martın 22-dən 29-a qədər Rusiya yeddi istilik elektrik stansiyasını vurdu - hamısı Kiyev istisna olmaqla, ölkənin ən yaxşı hava hücumundan müdafiə sistemlərindən birinə sahib olan digər bölgələrdə. Rusiya raketləri də iki su elektrik stansiyasını vurub”, – qəzet yazır.

 

FT yazır ki, Ukrayna hər bir stansiyada dəyən ziyanın miqyası barədə ətraflı məlumat verməsə də, rəsmilər bəzilərinin, o cümlədən Rusiya sərhədi yaxınlığındakı Xarkov bölgəsinin demək olar ki, tamamilə məhv edildiyini bildiriblər.

 

Nəşr DTEK-in rəhbəri Maksim Timçenkodan sitat gətirir: "Məqsədimiz oktyabr ayına qədər mümkün qədər bərpa etməkdir".

 

Timçenkonun sözlərinə görə, tam dağılmamış bəzi yarımstansiyaların və iri elektrik stansiyalarının işini bərpa etmək planlaşdırılır: “Daha heç bir hücumun olmamasını fərz etsək, zədələnmiş enerji bloklarının ən azı 50 faizi yenidən şəbəkəyə qoşulacaq”.

 

Timçenko bildirib ki, Ukraynanın elektrik şəbəkəsinə qarşı əvvəlki qış kampaniyasında Rusiya bütün ölkə daxilində keçid qurğularını və transformatorları hədəf alaraq şəhərləri qaranlığa və soyuqlara qərq etməyə çalışıb. Lakin indi onun sözlərinə görə, Rusiya raketləri konkret regionlardakı elektrik stansiyalarını “onları tamamilə məhv etmək üçün hədəfə alır, çünki elektrik stansiyalarını qısa müddətdə bərpa etmək mümkün deyil”.

 

GUR hesab edir ki, Rusiyanın qarşıdakı həftələrdə daha bir və ya iki böyük hücum üçün kifayət qədər raketləri var.

 

Afət