İsrail bu ərazini vurdu: Ölənlər var

İsrailin Livanın cənubuna endirdiyi hava zərbəsi nəticəsində 2 nəfər ölüb

 

Oxu24.com  xəbər  verir  ki, Livanın rəsmi agentliyi NNA-nın xəbərinə görə, İsrail döyüş təyyarələri Livanın cənubunda sərhəd bölgəsində bir çox şəhərə hava zərbələri endirib.

 

Livanın Ayta əş-Şaab qəsəbəsində bir evə hava hücumu nəticəsində iki nəfər həyatını itirib.

 

Xəbərdə ölənlərin kimliyi ilə bağlı hələlik heç bir məlumat verilməyib.

 

Digər tərəfdən Hizbullah Hərəkatı İsrailin sərhəd bölgəsində bəzi hərbi nöqtələrə hücumlar təşkil etdiyini açıqlayıb.

Hizbullah tərəfindən verilən açıqlamada İsrailin Zirit hərbi mövqeyində olan kəşfiyyat toplama vasitələrinin müvafiq silahlarla vurulduğu, Metula qəsəbəsinin girişində yerləşən hərbi maşının isə idarə olunan raketlə vurulduğu bildirilib.

2023-cü il oktyabrın 8-dən etibarən sərhəd xəttində İsrail ordusu ilə Hizbullah arasında baş verən qarşıdurmalarda 264 Hizbullah üzvü, 53 Livan vətəndaşı, 14 Əməl Hərəkatı, 13 Həmas, 12 İslami Cihad üzvü, 7 İsrail vətəndaşı və 11 əsgər həlak olub.

 

Nigar