Zaporojyedə partlayışlar baş verib

Zaporijjya Vilayət Polis İdarəsinin rəisi İvan Fedorov həmin gün üçüncü dəfə şəhərdə partlayışların baş verdiyini açıqlayıb.

 

Oxu24.com  xəbər  verir   ki,  bu  barədə yerli  Telegram kanalında məlumat  yer alıb.

 

Əvvəllər şəhərdə iki dəfə Moskva vaxtı ilə saat 15:00-16:00 arasında silsilə partlayışların baş verdiyi bildirilirdi.

 

Yeni partlayışlar barədə xəbərlər Moskva vaxtı ilə saat 17:20-də yayılıb.

 

Zaporojye şəhəri hazırda Ukrayna hakimiyyətinin nəzarəti altındadır.

 

Rusiyanın Zaporojye vilayətinin inzibati mərkəzi 2023-cü ildə Melitopol şəhərinə köçürülüb.

 

Aprelin 5-nə keçən gecə Ukraynanın “Public” nəşri Odessa vilayətində bir neçə partlayışın baş verdiyini bildirib.

 

Milli enerji şirkəti Ukrenergo daha sonra bölgədəki infrastrukturun Rusiya qüvvələri tərəfindən hücuma məruz qaldığını bildirib.

Nəticədə bir neçə enerji obyektinə ziyan dəyib. Üstəlik, texniki işlər zamanı elektrik yarımstansiyalarından birində yanğın başlayıb. Lakin şirkət nümayəndələri konkret hansı obyektlərdən danışdıqlarını açıqlamayıblar.

Rusiya hərbçiləri 2022-ci ilin oktyabrında, Krım körpüsünün partlamasından qısa müddət sonra Ukrayna infrastrukturuna zərbələr endirməyə başlayıb. O vaxtdan bəri Ukraynanın müxtəlif bölgələrində, tez-tez ölkə daxilində hava hücumu xəbərdarlığı müntəzəm olaraq elan edilir. Rusiya Müdafiə Nazirliyinin məlumatına görə, energetika sektoru, müdafiə sənayesi, hərbi komandanlıq və rabitə obyektlərinə hücumlar həyata keçirilir.

 

Nigar