NATO liderləri iyulda keçiriləcək sammitdə Ukraynanı Alyansa üzv olmağa dəvət etməyəcəklər.

Oxu24.com  xəbər  verir  ki, bu barədə “The New York Times” yazır.

Nəşr qeyd edir ki, NATO Alyansı “1945-ci ildən bəri ən böyük quru müharibəsinə” sürükləyən yeni üzv qəbul etmək istəmir.

“Bu, NATO-nu hansısa orta yol axtarmağa məcbur etdi, üzvlükdən başqa, lakin “uzunmüddətli perspektivdə” Ukraynanı dəstəklədiyini göstərmək üçün kifayət qədər əhəmiyyətlidir”,- deyə  məqalədə  qeyd  edilir.

Materialda qeyd olunur ki, Ukrayna nə qədər NATO-ya üzv olmaq üçün rəsmi dəvət almaq istəsə də, assosiasiyanın nümayəndələri yekdil fikirdədirlər ki, bu, mütləq bu ilin iyulunda baş verməyəcək.

Qəzetin mənbələrinə görə, ABŞ və Almaniya Ukraynanın NATO-ya daxil olmasının əleyhinədir.

Bundan əvvəl ABŞ dövlət katibi Antoni Blinken bildirmişdi ki, ABŞ və müttəfiqləri Kiyevə əlavə dəstək verməklə Ukraynanın NATO-ya tamhüquqlu üzvlüyü üçün ilkin şərtlər yaratmağı öz məqsədləri hesab edirlər.

Miri