Qaynar xətt:

(+99450) 247 90 86

Bu ölkədən gətirilən darçın yararsız çıxdı - AQTA

Bu ölkədən gətirilən darçın yararsız çıxdı - AQTA

CƏMİYYƏT

911

21.02.2021, 20:13

Google
Xəbərlərimizi Google-da izləyin
Yeniliklərdən dərhal xəbərdar olun
Abunə ol

Qida Təhlükəsizliyi Agentliyi ölkəyə idxal olunan ərzaq məhsullarına nəzarət tədbirlərini davam etdirir.

Agentliyin informasiya təminatı və innovativ həllər şöbəsindən Oxu24.com-a verilən məlumata görə, həyata keçirilən nəzarət tədbirləri çərçivəsində Vyetnamda "Hanfimex Group” müəssisəsi tərəfindən istehsal olunan və "Kamser Trade Group” MMC tərəfindən ölkəmizə idxal edilən altı ton darçın məhsulu partiyasına baxış keçirib.

Baxış zamanı idxal olunan məhsuldan nümunələr götürülərək, Qida Təhlükəsizliyi İnstitutunun müvafiq laboratoriyasına təqdim edilib. Müayinələr nəticəsində ağır metallar qrupuna aid kadmiumun kütlə payının qüvvədə olan texniki normativ aktların tələblərinə cavab vermədiyi aşkarlanıb.

İstehlaka yararsız məhsulların satış şəbəkəsinə daxil olunmasının qarşısı Agentlik tərəfindən alınıb. Hazırda qanunvericiliyin tələbləri çərçivəsində müvafiq tədbirlər görülür.